یوخسوللوق ایله قوجا‌لیق دوشوب بیر یئره.

 یوخسولوغا دوشمه‌ین وارلیغیینن قدرینی بیلمز.

 یوخسولون دیلی گؤدک اولار.

 یوخسولون ائوینده دمیر تاپیلماز، ایتی‌نین آدینی گوموش قویار.

 یوخسولون (یوخون) اوزو قارا‌دیر.

 یووانی ائرکک قوش تیکر.

یویوجو دئیر: - مورده شیرم، یویورام، ایستر اؤلو جنته گئتسین، ایستر جهنمه.

یومرو قایا، یومرو داش، کئچل باش.

یومورتا گتیرمیر، قایغاناق ایستییر.

 یومورتا تویوغون جریمه‌سی‌دیر.

یومورتادا توک بیتمز. یومورتا‌دان یون قیرخیر.

یومورتانا گؤره قاققیلدا.

یومورتانی حالقا‌دان کئچیردیر.

 یومورتلامادی، فالینی دا یئدی؟

یومورتاسی ترسه دوشوب.

یومشاق دؤشک سالان، آخیردا قورو یئرده یاتار.

یون دارایارام کلف اولار، قیز دوغارام خلف اولار.

یونو وار، اونو یوخ.

یورددان چیخسان دا، ائلدن چیخما.

یوردومون، میللتیمین آغ گونونو گؤرمه‌یه‌نین، باشقا بیر سؤز دئمیرم - گؤزلرینه قان گلسین.

یوسیف بازاری‌دیر، هر کسین متاهی وارسا، گتیرسین.

یوخاری باخیب غم ائیلیینجه، آشاغی باخیب دم ائیله.

یوخاری باشدا یئر یوخ‌دور، آشاغی باشدا اوتورمور.

یوخاری ائوه باخیب، آشاغی ائوی ییخما.

 یوخاری توپورورم – بیغ، آشاغی توپورورم – ساققال.

 یوخاریدا الله، آشاغیدا سن.

یوخو، یوخو گتیرر.

یوخو اؤلومون قارداشی‌دیر.

یوخودا بالیق گؤرن، یاستیغینین آلتینی یوخ‌لار.

 یوخودا گؤزل گؤرمک یاخشی‌دیر، اویانماق اولماسایدی.

یوخویا اعتبار یوخ‌دور. یوخوسو آغیر آدام‌دیر.

256

یوخوسوندا دا گؤرسه خئیره جالاماز.

 یوز بیلیگین اولسا دا، بیر بیلنله دانیش.

یوز بیره قوشولماز، بیر یوزه قوشولار.

یوز «وور» دئین‌دن بیر ووران یاخشی‌دیر.

 یوز قایغی بیر بورجو اؤدمز.

 یوز ائشیتمک‌دن بیر گؤرمک یاخشی‌دیر.

 یوز ینه ییغسان، بیر چووالدوز اولماز.

 یوز ایل گرک قانقال اوتلایاسان کی، آغزین دوه آغزینا اوخشاسین.

 یوز ایل سئل گلسه اووماز، بیر گون درد گلسه – اووار.

 یوز ایلین عبادتین‌دن بیر گونون سخاوتی.

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: